पाटी आणि माझेही
ऋणानुबंध अनोखेच
तंत्रज्ञानाची चमचम
तयापुढे ते तोकडेच...१
तो स्पर्श मऊसर
माझ्या भरलेल्या मनी
अनुभवांची शिदोरी
कशी जाऊ विसरुनी?...२
तीच जणू सखी होती
माझ्यासवे खेळणारी
तासन्तास तिच्यामधे
मी जणू विरघळणारी...३
इवली इवली बोटे करती
चित्र, अक्षरांची दाटी
प्रगतीचा पथ झाली
तीच माझी पाटी
माझी पहिली ती पाटी... ४
रचना
शिल्पा वाघमारे (कुलट)
स शि अकोला
दि १९.७. २०१९
कोणत्याही टिप्पण्या नाहीत:
टिप्पणी पोस्ट करा