चित्रकाव्य
जलसंपदा
चला, धावा, धावा
आले पाणी नळा
नका वेळ दवडू
लगबगीनं पळा... १
शकू, जना, मीना
कामे सारी सोडा
आणा कुणी बादल्या
कुणी लावा हंडा...२
सारी सारी कामे
होती तशीच पडून
पाण्याविना राही
सारं काही अडून... ३
पिण्याच्या पाण्याच्या
स्वच्छ करुन घागरी
रोगापेक्षा आपली
काळजी घेतलेली बरी... ४
असेल आई कामात
तर मदत तिची करा
ताई, दादा मोठे
नि करा बाबा त्वरा... ५
घालवू नका वाया
नको व्हाया चिखल
पाणवठा ठेवण्या स्वच्छ
घेऊया आपण दखल... ६
गाईगुरे असतील
वा घरी असेल मोती
साठवून ठेवा पाणी
पुरेसे हो तयांसाठी ... ७
रचना
© शिल्पा म वाघमारे
सहशिक्षिका बीड
दि. ४/७/२०२१
कोणत्याही टिप्पण्या नाहीत:
टिप्पणी पोस्ट करा