*एक वार्याची झुळूक*
एक वार्याची झुळूक
नीज देई तान्हुल्यास
जणू कुशीत झुलवी
यशोदाच कान्हुल्यास...१
एक वार्याची झुळूक
जशी स्फुर्ती नवी नवेली
यशशिखरे करण्या सर
मन सागराची भरती...२
एक वार्याची झुळूक
हळुवार स्पर्शता गाली
देई निरोप साजनाचा
मी गं लाजेत नाहली...३
एक वार्याची झुळूक
ओल्या मातीचा दरवळ
तना-मनास पेलेना हा
त्याचा गंधधुंद परीमळ...४
एक वार्याची झुळूक
सांगे होई आता रिते
सारा बाजार मायेचा
सांग काय तुझे होते...५
एक वार्याची झुळूक
सोडविते मोहमाया
जगण्याचे मर्म दावी
जन्म न जावो हा वाया...६
काव्यरचना
✒️शिल्पा म वाघमारे
सहशिक्षिका बीड
कोणत्याही टिप्पण्या नाहीत:
टिप्पणी पोस्ट करा