स्त्री...
स्त्री म्हणजे फक्त देहरुप
अन् सामान्य असं काही नसतं
तिच्यामध्ये विश्व अवघं
विविधांगी नटलेलं असतं...
अथकं राबणाऱ्या हातासंगे
मन सैरभैर चिंतातूर नुसतं
अन् बोलणारांचं काय जातं...
म्हणे मन नारीचं चंचल असतं..
जग सारं अवचित सुन्न झालं
कामही सुटली हातातली..
काळजात जिनं संसार थाटला
ती कधीच नसते थांबलेली...
घरं स्वप्नीचा महाल असतो
भिंतीचा आड येत नाही
सारं आलबेल असावं
एवढीच लगबग तिच्या ठाई...
तुमच्या डोळ्यांतील सुखचित्र
पाहण्या ती क्षणक्षण अधीर
तिच्या सुखाची हो संज्ञा
कल्पनातीत आहे सारं...
शिल्पा
कोणत्याही टिप्पण्या नाहीत:
टिप्पणी पोस्ट करा