विषय... सुख लाभो तुला..
प्रितपाखरा रे...
माझ्या प्रितपाखरा रे
सख्या, प्रिया, प्रियतम
तुझ्या संगतीने माझे
प्रितबंध जन्मजन्म...१
आधार तू प्राणाचा
पतीराजा परमेश्वर
तुझ्या स्पर्शाने फुलले
घर झाले हो मंदिर...२
प्रेरणा तू ठायीठायी
प्रगतीचे कारणही
आत्मबल वाढवण्या
विश्वासाचा तू अर्थही...३
तुझ्या संगे सप्तपदी
चालुनिया आले दूर
वचनांस निभावून
संसारास देऊ सूर...४
पुजिते मी वटराजा
देई सौभाग्याचं दान
संसाराच्या दालनास
मांगल्याचं दे तोरणं...५
सुख लाभो माझे तुला
दुःख तुझी मज मिळो
हेचि मागणे हरीसी
जन्मोजन्मी सेवा घडो... ६
रचना
शिल्पा म वाघमारे
सहशिक्षिका बीड
दि ५.१०.२०२०
कोणत्याही टिप्पण्या नाहीत:
टिप्पणी पोस्ट करा