काळे ढग
काळे काळे ढग बघा
घेऊनी पाऊस आले
पसरला गंध रानी
भरतील नद्या-नाले
काळे काळे ढग आले
काळे काळे ढग आले
रान चिंब-चिंब झाले
तरुवर आनंदले
पानपान नहालेले
फूल गालात हसले
माय धरणीचे मन
बघा कसे हरखले
रानी मोराचे पिसारे
कसे फुलले फुलले
मनमोराचेही माझ्या
पद जणू थिरकले
पिलांचिया काळजीने
पंख पक्षीणीने पसरले
ऊरी भरले कापरे
पर तिचे होता ओले..
रचना
© शिल्पा म वाघमारे
स शि बीड
कोणत्याही टिप्पण्या नाहीत:
टिप्पणी पोस्ट करा