अक्षरसंख्या :१८
११ व्या अक्षरावर यती
काअअ3व्यप्रकार :भावगीत
शीर्षक : विरह विरहाचा
सांग पुन्हा कधी भेटणार तू, मज प्रिया नव्याने
कस्तुरी गंधात भिजेल निशा, पुनव चांदण्याने... ||धृ||
भयाण तुफान चेतले आत, दारी श्रावणधारा
स्वप्नांत, भासांत,तूच सामोरी, श्वासांत तो उबारा
श्वास फुंकूनी, फुलव शिल्प हे, स्पर्श दे अधराने... ||१||
शब्दही अबोल, भिजले सूर, गाताना प्रेमगीत
रात वैरीण छळते सारखी, बोचरा हा एकांत
मलूल जाणीव हुळहुळते, भिजते ओठी गाणे... ||२||
आसावले अनुरागी सूरही, श्रावण अधिरला
तुझ्या माझ्या मिलनास रे पुन्हा, क्षणही आतुरला
विरहाचा या विरह होऊ दे, मधूर मिलनाने... ||३||
रचना
शिल्पा म वाघमारे
स शि मालेगाव खुर्द ता गेवराई जि बीड
दि. १७.०१.२१
कोणत्याही टिप्पण्या नाहीत:
टिप्पणी पोस्ट करा