तेव्हा मला राग येतो...😡

तेव्हा मला राग येतो...😡

धडधडीत जे खोटं बोलतात

स्वार्थात जे सुख शोधतात

मी पणा केवळ मिरवतात

तेव्हा मला राग येतो...😡

एकच बाजू ऐकून नित्य

न्याय देण्याचा आव आणतात

स्वतःसच जेव्हा शहाणे जाणतात

तेव्हा मला राग येतो...😡

नियम टांगत धाब्यावर

इतरांनाही धोक्यात टाकतात

व्यसनात जेव्हा सुख मानतात

तेव्हा मला राग येतो... 😡

स्वातंत्र्य हिरावून इतरांचे

मुजोरपणा दाखवतात

इतरांच्या जीवनास

आपल्याच बापाची सत्ता मानतात..

तेव्हा मला राग येतो 😡

माझा राग, माझा असतो

त्यांना फरक पडत नाही

अमर स्वतःला मानतात ते

तेव्हा मला राग येतो 😡

रचना

© शिल्पा म वाघमारे

स शि बीड

दि २०.०५.२०२०