आनंददायी शाळा...
रचनात्मक शिक्षणाला सुरुवात झाली
मिनू आता आमुची शहाणी झाली...
लवकरच उठून लगबग करते
आईच्या आधीच रांगोळी काढते...
दात घासून आंघोळ आटोपून पटपट
शाळेची तयारी करते ती झटपट...
चिंचोके नि मण्यासंगे शिकली गणती
गणिताची तिला आता वाटत नाही भिती...
वाचन कोपरे तर सदाच खुले
वाचनाने ज्ञानाचे भांडार झाले...
रंगीत संगीत झाली हो शाळा
आईसम बाई आता लावतात लळा...
झाले आता सहज चित्र,खेळ, कथा
उंच उडून गेल्या, समस्या नि व्यथा...
आनंद हिच जीवनाची मिळकत आहे खरी
मीनूला तर आता करमत नाही घरी
✍🏻✍🏻शिल्पा म.वाघमारे सहशिक्षिका बीड
