तुटलेली पतंग

: तुटलेली पतंग 

जीवनाच्या फुलत्या क्षणी
आनंदाचीच सारी उधळण
तुझ्या साथीने रे साजना
दुःखही झाले होते गौण...१

हरवलेली माझ्यात मी
तुझ्या मीठीत विरताना
लाजेत भिजलेली चिंब
अधरांत विरघळताना... २

का, कसे अचानक हे
विरहाचे पदरी काटे
ती काया मोहरलेली
नि हुंदका ऊरी या दाटे...३

स्पर्शाने गंधाळलेली ती
आज सुकून गेली कळी
का मीच अभागी प्रिया
मकरंद ना उरला दळी... ४


तुटलेली पतंग जणू मी
भिरभिरते विरह तुफानी
शोधते फक्त संग तुझा रे
या अनंत भयाण अस्मानी..५



रचना
© शिल्पा म.वाघमारे
स.शि बीड
दि 16.1.2019