@ मी पतंग... बालकविता

 *मी पतंग*

भिरभिर भिरभिर वाऱ्यावरती
मजेत उडतो बागडतो
कधी वर कधी खाली
अलगद गातो तरंगतो..... १

उंच उंच गगनामध्ये
भेटतो, बोलतो पक्ष्यांशी
काळ्याभोर मेघांशी आणि
झुळझुळणाऱ्या पवनाशी......२

असेच उडत जाता जाता
कधी वाटते उंचच जावे
डोंगराच्या माथ्यावरुनी
आकाशी जाऊन भिडावे.......३

चांदोबाच्या गाडीमध्ये
सैर करावी गगनाची
फिरत-फिरत भेट घ्यावी
ग्रह आणि ताऱ्यांची........४

स्वप्नांत स्वतःतच रंगताना
नकळत हरवत गेलो
काटाकाटीने भंगवले त्या
कटून मांजा खाली आलो.....५

रचना
शिल्पा म.वाघमारे
स.शि मालेगाव खुर्द
ता गेवराई जि बीड
दि.19.8.2018