@ झोपाळा गेला उडून.. बालकविता

झोपाळा गेला उडून

पाण्यात दोन बेडूक राहती
सोबत सोबत खेळत असती

त्यांना दिसले दोन खांब 
होते खूप लांब लांब 

दोघांनी एक विचार साधला 
वेलीचा त्यांनी झोपाळा बांधला 

झोपाळ्यावर झुलता सोबत
अवचित झाली एक गंमत

लागले होते त्यांना कळू 
झोपाळा तर लागला उडू 

सहजचं वर बघतांना 
बगळा दिसला उडताना

लक्षात मग येता धोका
क्षणात साधून घेतला मोका

पटपट पाण्यात घेतल्या उड्या
संकटातुन वाचले बड्या

प्रसंगावधान दोघांनी राखले
म्हणूनच त्यांचे जीव वाचले

रचना
शिल्पा म.वाघमारे
सहशिक्षिका 
Beed