संसार पसारा

संसार पसारा.... अष्टाक्षरी

       पोटासाठी .... 

कशी जीवनाची माझ्या 
देवा रचली कहाणी 
तुझी लेकरे सारीच
मग मी का दीनवाणी... १

भुईलाच थाटलेला
भग्न भकास संसार 
बाळांसाठी भविष्याची
स्वप्ने  झाली निराधार...२

पोटातल्या रानी सदा
आगडोंब उठलेले
दुष्काळच छाताडात 
पाजू कशी मी तान्हुले?... ३

पाणी पीठात कालवी
पाणी डोळ्यांत आणुनी
पोरी कोरड्या घशाला
टाक आता ओलावूनी...४

पोटासाठी तुझ्या माझ्या
रोज नवे करु काय? 
माया वेडी धावते नि
आखडती हात पाय... ५

धनी घालतोय घाव  
लोहावर - भुकेवर
नीज बाळा, जाऊ दे रे
लावू दे 'त्या' हातभार...६


रचना
शिल्पा म.वाघमारे
स.शि. जि प प्रा शाळा,
मालेगाव खुर्द
ता गेवराई जि बीड
दि 25.12.2018

अष्टाक्षरी

       पोटासाठी .... 

कशी जीवनाची माझ्या 

देवा रचली कहाणी 

तुझी लेकरे सारीच

मग मी का दीनवाणी? ... १

भुईलाच थाटलेला

भग्न भकास संसार 

लेकरांच्या भविष्याची

स्वप्ने झाली निराधार...२

पोटातल्या रानी सदा

आगडोंब उठलेले

दुष्काळच छाताडात 

पाजू कशी मी तान्हुले? ... ३

पाणी पीठात कालवी

पाणी डोळ्यांत आणुनी

कधी कोरड्या घशाला

टाकतेया ओलावूनी...४

पोटासाठी तुझ्या माझ्या

रोज नवे करु काय? 

मन धाव घेई नभी

आखडती हात पाय... ५

धनी घालतोय घाव  

लोहावर - भुकेवर

बाळा निजवून शेजी

लावी तया हातभार...६

जरी राबतो उन्हात 

समाधान खुले मनी

सुख देई आभाळाचं

देवा आमुच्या पदरी...७

रचना

शिल्पा म.वाघमारे

स.शि. जि प प्रा शाळा,

मालेगाव खुर्द

ता गेवराई जि बीड