क्रांतिज्योती

महात्मा ज्योतिबा फुले ...

ज्योती कसली, ती धगधगती
मशाल होती ज्ञानक्रांतीची
तमास हरवले असे तयांनी
आभाही लाजली सूर्याची...||१||

तूफानांचाही हाणून पाडला
डाव अनोख्या ढंगात
बहु साहले, आपदा झेलित
आम्हा रंगवूनी ज्ञानरंगात...||२||

फुलवले माळरानावरही
खळखळते सुहास्य मुक्त
पंख होऊन विश्वासाचे
दिधले एकीचेही सुक्त...||३||

संगिनी जणू रणरागिणी

घेऊनी लढवले अवघे समर 

ज्ञानाची ज्योती देऊन करी या

युगयुगे झालेत अमर...|| ४||

 जागवू चला मन, मती पुन्हा 

मनमानी चालली जिथे जिथे 
 अधर्म, अंधश्रद्धधेस जाळण्या
ज्योतीच होऊया तिथे तिथे....||५||

रचना
@©शिल्पा म वाघमारे
स शि बीड
दि २८.११.२०१९