परी माझी
लेक माझी साजिरी
सुंदरा मधुरा गोजिरी
अप्सरा गोडुली जशी
मृदुलाच माझी परी... १
बोल बोबडे मला
आपसूक खेचतात
तुरुतुरु डौल चाल
नजरेला बांधतात... २
पुष्पांहुनी कोमल गाली
सुहास्य ते उमलते
चंद्रखळीत मनोहारी
जग सारे विरघळते...३
समृद् ध साऱ्या गुणांनी
चंचल चाणाक्ष दुहिता
'समृद् धी' परी माझी
मम् जीवनाची अस्मिता ... ४
जावे सजवित तू यशवाटा
नित्य रहा तू विजेता
भयासही कर भयभीता
आशीर्वत मातेचा ..५
पाहिली का कुणीतरी
आकाशातील परी
जीवनास सोनगंध देणारी
हिच परी आहे खरी... ६
सांगू तुज आज कशी
स्वर्ग सुखाच्या तू राशी
सारीच गळलीत जशी
दुःखाची मळभं.... ७
रचना
©शिल्पा म. वाघमारे
सहशिक्षिका, बीड
दि १४.११.२०१९
कोणत्याही टिप्पण्या नाहीत:
टिप्पणी पोस्ट करा