नकळत सारे घडले

नकळत सारे घडले


रात ही राजसा मधुमिलनाची
नवल हे नकळत सारे घडले
संपली सख्या प्रतिक्षा जन्मांची
जणू दुग्ध शर्करी विरघळले *१*

मोहरलेल्या रजनीलाही
नशा चढावी पुनःपुन्हा
जाळ्यात ओढला जाऊनी
घडू दे ना तो मधूर गुन्हा *२*

स्नेहमिलन होईल दो जीवांचे
विचारानेच काया बघ फुलली
माळशील ना गजरा कलिकांचा
लटकेच लाज बघ गाली आली *३*

शृंगार बेगडी नकोच मजला
गालावर अवचित येईल लाली
तव स्पर्शाचे मृदू मयूर पिसारे
फिरता मम् कोमल तनूवरी *४*

आठवानेच रंग हा अधरी
सेजेवर होईल काय दशा
चूरचूर जरी लाजेत नाहले
चिरस्मरणीय होऊ दे निशा *५*


रचना ✍️
शिल्पा म.वाघमारे
स.शि बीड
दि.9.4.2019