महिमा स्त्री जन्माचा

महिमा स्त्री जन्माचा


ओवी सांगे तुम्हा माझी
 महिमा स्त्री जन्माचा
घ्या ना समजून 'ती'ला
होईल उद् धार युगांचा||१||


अनोखीच निर्मिती 'ती'
निर्मातीही संसाराची
नाही होणार तिच्याशी
 बरोबरी गं कोणाची ||२||

लेक,सखी,ताई,आई
भोगे सासुरवाशीण
एका-एका वाटेवर
काटे घेतीया टोचून ||३||

माऊलीच्या हृदयात
माया मधाळ पाझर
यत्ने आटणार नाही
काय वर्णू  मी पामर ||४||

सदा दुःखाचीच सल
बाई उरात दाबते
येते माहेर सोडून
नव्या संसारी साजते ||५||

म्हणे नको 'ती'पणती
हवा 'दिवा' ग वंशाला
बट् टा लावते का बाई
स्वतः स्त्रीच्याच जन्माला ||६||

मनी माया फुलविते
चिंता मनाचा कालवा
कधी कळला का बाळा?
तिच्या पान्ह्याचा ओलावा ||७||

नयनी आसवांचा पूर
आनंदाचा गं दुष्काळ
संसाराच्या काळजीने
मनी जपते हिरवळ ||८||

जग करते पूजन
नदीमाय नि गायीचे
घरची लक्ष्मीच सांगा
का हो वाहन पायीचे ||९||

वंदा सावित्रीला मनी
मुजरा जिजाऊ,अहिल्येला
सप्तसूर्यतेजाठायी
आसमंतही लाजला ||१०||

'बाई' जाण खरी मनी 

विवेकास जागवून 

तव निर्मळ मनास 

देई जाणीव करून ||११||


रचना
© शिल्पा म.वाघमारे
स.शि बीड
दि 10.03.2019