🚩मातोश्री जिजाऊ

मातोश्री जिजाऊ 

वीरकन्या म्हाळसा नि
पराक्रमी लखुजींची
स्वयंसिद्ध संस्कारी ती
दिप्ती तेजस ज्ञानाची...||१||

प्रतिभासंपन्न जिजा
वीरा निपुण रणीची
राजमाता शिस्तप्रिय 
माय मृदुला शिवाची...||२||

पर्व दैदिप्यमानच 
नवयुग ते निर्मिले
मढवले संस्कारांनी
शिवबास घडवले...||३||

नवे पान महाराष्ट्र
सोन्यापरी चमकले
गुलामीच्या पाशांतून
मराठीस सोडवले...||४||

स्वाभिमानी स्वप्न तुम्ही
स्वराज्याचे साकारले
स्त्रीशक्तीचे रुप खरे 
जगतास दावियले...||५||


रचना 
© शिल्पा म.वाघमारे 
सहशिक्षिका बीड 
दि 13.1.2019
6/5/19, 08:17