समाधान..( वऱ्हाडी)

समाधान...
 (वऱ्हाडी रचना )

मायी झोपळीच गड्या
मले सुकाचा महाल
नाई भेव चोराईचा
झोप लागते खुशाल...१

नाई साकई ना कोंडा
झोपळीच्या दरोज्याले
ठेसा भाकर ठेवते
समाधानी या जीवाले... २

झोपळीत नाई पंखा
नाई ये. शी.(AC)ना कुलर
रात-दिवस ऊबारा
जसा आईचा पदर...३

तिच्या चारी कोपर्‍यात
सुकाचीच चमचम
देते मनाले अधार
समाधान घमघम...४

तिले झाडाचं छप्पर
देव सावलीच होते
जगा दुसऱ्यासाटीचं
आता आमाले शिकोते
... ५

अश्या झोपळीत तुमी
पाहा येकदा ईऊन
महालई राज्याचा रे
तिच्यापुळे सरमीन....६

रचना..
शिल्पा म.वाघमारे
स.शि बीड
दि. 10.122018