निसर्ग एक पुस्तक

निसर्ग*

एक विशाल पुस्तक हा निसर्ग

धरणीवरचा जणू प्रति स्वर्ग  ||१||



प्राची अंगणात रश्मी उधळण

रवी रेखितो रांगोळ्यांची शिंपण २



 किलबिल पक्ष्यांची श्राव्य मधुर

अद्भुतच कला तरु पर्णांवर...३



अचूकता साधे ओहटी-भरती

ऋतुराज्ञी आणि बहर पुष्पांची..४



पंकातील दल नित्य सांगे स्थैर्य

पूर नि वादळे शिकविती धैर्य..५



वात्सल्य कुशीत आपण रे भाऊ     

तिच्यासम देताना माणूस होऊ.६



रचना ✍️
शिल्पा म.वाघमारे
स.शि मालेगाव खुर्द
ता गेवराई जि बीड
दि.2.9.2018