उनाड वारा

उनाड वारा

वारा उनाड खट्याळ 
किती सावरु पदर
जाता नजर सख्याची
झाले लाजून मी चूर ||१ ||

वारा अवखळ भारी
जसा साजन साजन
येता जाता काढी छेड
अंग आलं शहारून ||२ ||

वारा उनाड हा भारी
सैरभैर ही नजर
त्याच्या नादी रंगले मी
चित्त नसे थार्‍यावर ||३||

वारा उनाड चपळ
म्हणे चल सवे माझ्या
जाऊ क्षणात उडूनी 
आज देशी साजनाच्या ||४ ||

क्षणापुर्वीचा उनाड  
मंद झुळुक तो झाला
गाली अधरच सखा 
जणू फिरवून गेला ||५||

✍🏻✍🏻✍🏻रचना.....

*शिल्पा म.वाघमारे*
स.शि.   बीड
8/18/18, 18:50 - Shilpa: *पाऊस पहि