🚩गड किल्ले

गड किल्ले

आण बाण शान आहेत
गडकिल्ले महाराष्ट्राची
शिरपेच मायमराठीचे
नि संपत्ती मन्मातेची... १

अजिंक्य तटबंदी नि
बुरुज भक्कम आधार
वास्तुशिल्प अजोड असती
समृद्ध वैभवी भर... २

ऐतिहासिक नि राजकीय
वारसा मराठी संस्कृतीचा
दुर्ग तर अविभाज्य अंग
या मायभू महाराष्ट्राचा... ३

अतुलनीय भुईकोट तसे
अद्भुतच गिरीदुर्गही
न्याऱ्याच डौलात खडे
जंजिऱ्यासम द्विपदुर्गही...४


 श्री छत्रपती शिवरायांनी
शपथ घेऊन स्वराज्याची
शर्थीने लढवला एकेक दुर्ग
बाजी लावूनी प्राणांची... ५

असामान्य भूषण अपुले
 खचले झिजले जरी वार झेलुनी 

शूरविरांनी प्राण वेचले

 उभे ताठ ते मोल जाणूनी. ६

रचना
शिल्पा म वाघमारे
स शि मालेगाव खुर्द
ता गेवराई जि बीड
दि १२.११.१९