भाकरीचा चंद्र

भाकरीचा चंद्र


उभा जन्म मी वाहिला 
अठराविश्वे दारिद्र्याला
त्याची झळ लागू नये
तिच्या सोनेरी स्वप्नांना . . .

कुशीतून तिज जगवले
राबूनही शिकवणार आहे
गर्भात कळी खुडणार्‍यांना
मी ही लाजवणार आहे. . 

माझ्या संसाराला कशी
असे अवसेची रात
चंद्र भाकरीचा कधी
दिसेल का माझ्या नभात

तरी शिकवते तिला 
तग धरण्याची कला
धीर सोडू नको पोरी
दया येईल ग त्याला

पुनवेची ती रातही
माझ्या येईल वाट्याला
भोग सरंल आमचं
सुख येईल पदराला


शिल्पा म.वाघमारे
   बीड
२.८.२०१८