गुपित मनाचे सांगू कुणा

• *गुपित मनाचे सांगू कुणा.*

मन धाव घेई अवचित
अवघड वाट तयाची
कुणासही न लागे छडा
गती वाऱ्याहुन वेगे त्याची... १

विचारांची गुंतागुंत
घालमेल भावनांची
कधी बावरीच स्थिती
द्विधेत अडकून मनाची...२

संज्ञा ही तयाची कोणा
न करविते हो सहजे
काय देऊ मनास उपमा
मतीसही ना उमजे...३

गुपित मनाचे सांगू कुणा
कशी करु याची मनधरणी
ओझं मनावरचं अपरिमित
 अर्पिते मी यास हरीचरणी...४


रचना
शिल्पा म वाघमारे
स शि बीड
दि २०.११.२०१९