शोध दिव्यत्वाचा

अद्भुत रस रचना

        शोध दिव्यत्वाचा

नवलाईची बीजे निरंतर
कणाकणांत येथे पेरलेली
अद् भूत अद् वितीय पुष्पे
जीवनमालेत गुंफलेली ||१||

बाह्यजगापरी अंतरंगीही
अनोखं एक जगत् आहे
स्वयंसिद्ध आत्मरुप तेज ...   
तुझ्यातले अद् भूत आहे ||२||

अचाट शक्तींचे भांडार
वसले आहे तुझ्यात सुप्त
वेध घेण्या धाव एकांती
मन स्वतःत होऊ दे जप्त ||३||

अचंबित तेजस्पर्शी दिव्ये ती
नि वाट निसरडी संसाराची
तू स्थितप्रज्ञ तू स्वयंप्रकाशी
ओळख तुज होईल स्वतःची || ४||

सळसळती नागीणच ती
कुंडलिनी उसळती लाट
अलिप्तता संसारी राहु दे
परमसुखाची तीच वहिवाट...||५||
                                                                         सत्त्वज्ञान तुला लाभता रे                 
अढळपदीचा होशील तारा         
तेजहीन चांदणे भोवतीचे                           
तूच तुझ्यात चैतन्य गाभारा.. ॥६||

रचना
शिल्पा म.वाघमारे
स.शि बीड
दि 22.12.2018
भ्र क्र 9527054205