मोक्षाचा मानकरी

मोक्षाचा मानकरी(अनुप्रास रचना)


रामरंगी रंगले
चित्तचोर चरणी
शब्द शब्द शिंपिता
राममय रे रमणी...🙏

कर कटेवरी
सावळी साजिरी
मन मोहवले माझे
स्वर्गसुख ना संसारी...🙏

 तोचि तापनाशी
पंढरीचा पांडुरंग
वेणू वाजताच
गोप गवळणी गुंग...🙏

श्वासा_श्वासात शोधला
दशदिशांत दाटला
माधव मनोहर माझ्या
ऊरातचि ऊरला...🙏

मीच माझ्या मना
भाव भक्तीने भारले
त्या तेजाने तेथेच
दिव्य दर्शन दिधले.... 🙏

नारायण नामी
गुंतले, गुंफले
मोक्षाची मानकरी
नकळत निवडले... 🙏

. रचना
शिल्पा म.वाघमारे
स.शि मालेगाव खुर्द
ता गेवराई जि बीड.
दि. 3.12.2018