*दिव्यांग बालक कौतुक सोहळा*
तुम्ही जगास या ठणकावून सांगा...
लावूनी झेंडा अटकेपार...
या देहाची गौण ती बाधा...
इच्छाशक्तीस चढवता धार...१
मनी धैर्य नि जिद्दीने...
सदा जाऊनी आघाडीला...
लेकरे साऊ - ज्योतीची शोभावी...
सलाम करतील सारे धडाडीला... २
जग आतले वा बाहेरचे... दिव्यतेने भारावे...
यशाच्या किर्तीने...
नभी तोरण बांधावे ...३
सुगंधित करणारी भविष्य...
स्नेहलताच विद्येच्या उद्यानाची...
लाजतील भलेभलेही...
अशी खाणी आदर्शांची...४
अभिमान आमचा तुम्ही...
तुम्ही गौरव सत्कर्मांचा...
गुणी बाळे आमची...
तुम्हावर वर्षाव शुभेच्छा अन् आशीर्वादांचा...५
✍️काव्यरचना
©शिल्पा म. वाघमारे (कुलट)
सहशिक्षिका बार्शीटाकळी
कोणत्याही टिप्पण्या नाहीत:
टिप्पणी पोस्ट करा