गझल कशाचे पुन्हा भेटणे बोलणे रे...

 गझल 

वृत्त : भुजंगप्रयात

लगागा लगागा लगागा लगागा 

कशाचे पुन्हा भेटणे बोलणे रे

कुठे आसवांचे घडे ओतणे रे...

तुझ्या आठवांची जपूनी कुपी ही

मनाने मनाशीच समजावणे रे...

फुले जी कधी तू दिली ओंजळीत

पुन्हा गंध लेणे पुन्हा सांडणे रे ... 

मला का सदा हा छळे दृष्ट वारा

बटांनो नको ते पुन्हा गुंतणे रे ...

कुणी वाट माझी करा मोकळी हो

अता फक्त स्वप्नात त्या रंगणे रे...

शिल्पा म. वाघमारे 

सहशिक्षिका बीड

19.08.2022