कृष्णार्पित मीरा
चैतन्य साकार, अद्वैताचा अंश
विकारांचा दंश, अशक्यच ||१||
संताच्या पंगती, बसली हो मीरा
मनाचा गाभारा, कृष्णव्यापी ||२||
दंगली भक्तीत,कृष्णरंगी न्हाली
नामामृत प्याली, मीराबाई ||३||
जनपथ सारे, भरुनी पावले
पायधूळ ल्याले, सर्वांगासी ||४||
कृष्ण प्राणसखा, श्वासा संजीवनी
न लगेच कुणी, तयाविन ||५||
कृष्ण हेच सुख, विषय ते काटे
विषही पालटे, अमृतात ||६||
अखंड गुंफण, नाम मोतियांची
कोंदण भक्तीची, मीराबाई ||७||
जाणला हो कृष्ण, मीरेनेच खरा
तुजला का नरा, उमगेना ||८||
जाणला हो कृष्ण, मीरेनेच खरा
तुजला का नरा उमगेना || ९||
काव्यरचना
©शिल्पा म.वाघमारे
(शिक्षिका) अकोला
भ्र. क्र. 8830680101
कोणत्याही टिप्पण्या नाहीत:
टिप्पणी पोस्ट करा