पृथ्वीचा गोल
खेळ खेळूया रे
खेळ खेळूया
खेळता खेळता
सारे शिकूया... १
नवलाईचा भारी
पृथ्वीचा गोल
अक्षांश रेखांशांचे
ज्ञान अनमोल...२
उत्तर नि दक्षिण
ध्रुव टोके छान
सात आहेत खंड
मात्र आशियाचाच मोठा मान...३
सागरांनी साऱ्या
जलमय धरा
साधनसंपत्तीचा
खजिनाच खरा... ४
परिवलन आणि
शिकू परिभ्रमण
दिवस, रात्र, ऋतू
अन् होते कसे ग्रहण...? ५
भूगोलाचे नित्य नवे
घेत राहू ज्ञान
अभ्यासासाठी आता
मुक्त आहे रान... ६
. * रचना
शिल्पा म. वाघमारे
सहशिक्षिका बीड
कोणत्याही टिप्पण्या नाहीत:
टिप्पणी पोस्ट करा