*सोहळा... ATMचा*
(चाल: धनी मलाही दाखवाना...) *सोहळा... ATMचा*
ज्ञानजागर मांडला, विठाबाई तुझे दारी
ज्ञानसागर सांडला, चंद्रभागेच्या तीरी
अशी नटली थटली, जशी आषाढाची वारी
डोळे भरून पाहुया ही आनंदवारी..
*कोरस*...ही आनंदवारी आहे लय लय लय भारी... ||धृ||
हम टिचर है हटके...
रंगवू दुनिया सारी
आमचे अफलातून फंडे
वाट प्रगतीची न्यारी
आम्ही विश्वास पेरता
तरु भिडला आभाळी
डोळे भरुन पाहुया ही आनंदवारी
...||१||
शिक्षणाच्या वारीचे
आम्ही वारकरी पहिले
हाव नाही आम्हा ठावं
श्वास जन्माचे वाहिले
स्वार्थ-अहम् कधीचा
चिरडला पायाखाली
डोळे भरुन पाहुया ही आनंदवारी
......||२||
'We are one' ललकारी
दाही दिशांत दुमदुमली
दादा ताईंच्या रुपानं
तोरणं सोहळ्याची सजली
दिस गालात हासला, होता प्रेमभऱ्या भेटी
डोळे भरुन पाहुया ही आनंदवारी....||३||
गीत रचना:
© शिल्पा म. वाघमारे
स. शि. जि. प. प्रा. शाळा मालेगाव खुर्द ता. गेवराई जि. बीड
19.03.2020
कोणत्याही टिप्पण्या नाहीत:
टिप्पणी पोस्ट करा