जग सुंदर आहे
जग सुंदर आहे
असं बरेच जण म्हणतात
सगळे का म्हणत नाहीत
ते नेमकं काय पाहतात
अनुभवाचे बोल अन्
दृष्टीची सकारात्मकता
जगाचं सौंदर्य दाखवते
चैतन्य नि आत्मियता
वास्तवाशी नाळ जोडून
राहता यायला हवं
मातीत पाय घट्ट रोवून
उगवता यायला हवं
घेऊनिया निरागसता
फूलं नि पाखरांची
तटस्थता चोरता यावी
सरिता, वृक्ष लतिकांची
डोळ्यांवरची रुक्ष झापड
काढता यायला हवी
जग सुंदर आहेच मुळी
सात्विकाची जाण हवी
रचना
शिल्पा म वाघमारे
सहशिक्षिका बीड
कोणत्याही टिप्पण्या नाहीत:
टिप्पणी पोस्ट करा