🎵भक्तीरंग

 भक्तीरंग 

रुप तुझे लोचनांत, नाम ओठी साजे

माळून ये स्वरांत रंगा, गीत होई माझे...धृ 

तुझ्या नामसुमांना रे, अखंड ओविते ओविते

चरणांवर वाहूनिया, नित्य रिती होते

हृदयाच्या गाभारी मुर्त तुझी राजे

माळून ये स्वरांत रंगा, गीत होई माझे... १

नादरंग, शब्दरंग, रंग रंग उधळे

भक्तीरंग देई ऐसा,काम-क्रोध झडे

जड झाले ओझे नाथा, ऐक ऐक माझे.. 

माळून ये स्वरांत रंगा, गीत होई माझे... २

रचना 

शिल्पा म वाघमारे 

सहशिक्षिका गेवराई जि बीड 

दि. 17.03.2021