आनंदाची वारी
आनंदसरी
कित्ती येणार ना रे मज्जा
भेटला वाटेत हा पाऊस
इथेच खेळूया ना दादा
नको शाळेत जाऊस... ||१||
ठेवून दे रे ते दप्तर
उघडूबिघडू नकोच छत्री
नाही होणार सर्दीबिर्दी
मला पक्की आहे खात्री...||२||
कितीतरी दिवसांनी
मिळाली ना छान संधी
नाहीतर असतोच ना
खिडकीमागे आपण बंदी... ||३||
मनसोक्त आनंदाच्या
जलसरी चल झेलू
डोलता डोलता गाऊ नि
गाता गाता डोलू...|| ४||
वाजू दे रे थंडी जरा
चिंब चिंब भिजूया
थप्पक उडी मारुन
मोरासंगे नाचूया...|| ५||
नको ठेवूस मनात
आता आईचा धाक
सांगून देऊ खरंखरं
करील बघ माफ... ||६||
आनंदाच्या गाण्यांमध्ये
भिजवून टाकू सारी
आभासी त्या गुंतलेल्या
मोठ्यांनाही घडवू वारी... || ७||
काव्यरचना
*शिल्पा म वाघमारे*
सहशिक्षिका बीड
कोणत्याही टिप्पण्या नाहीत:
टिप्पणी पोस्ट करा