योगसाधना
देह एक देवालय
आत्मा ईश्वर गाभारीचा
शुचिता सात्विकता
हाचि ठेवा आरोग्याचा ...
नियम निसर्गाचे सारे
पालन करता करता
पाऊले पुढे टाकावी
आनंदास कवेत घेता...
शुद्ध कायेमध्ये तेव्हा
मन निरवील शांत
विचारांची गुंतागुंत
अन् विरेल सारी भ्रांत...
पहाटे उठून सारे
स्विकारु उषःपाना
शौचकर्म आवरोनी
करु योगाची साधना...
योग सातत्य पाळूनी
संयम शांती येई
चिरंतन सुख समृद्धी
पायी लोळण घेई...
नको स्पर्श तामसी तो
सात्विक घेऊया अन्न
सदासर्वकाळ चित्तास
ठेविन ते प्रसन्न...
पुढेच नित्य चालवू
योगविद्येचा वारसा
सधन करु विश्वा नि
भारता सृष्टीचा आरसा..
रचना ✍️
शिल्पा म वाघमारे
सहशिक्षिका बीड
कोणत्याही टिप्पण्या नाहीत:
टिप्पणी पोस्ट करा