बडबड गीत
बाळाचे मित्र
तुरुतुरु चालता वाजतात चाळ
चुटुचुटु बोलते सानुलं बाळ
दुडूदुडू धावलं, अंगणात बसलं
खेळायला बघा... कोण कोण आलं... १
डुलत डुलत आला हत्ती
बाळ म्हणाला झुलता किती
केवढी मोठी तुमची सोंड
कुठे हरवलं तुमचं तोंड
चिऊ आली हसली गाली
दाणा तिचा पडला खाली
बाळ म्हणालं चिऊ गं चिऊ
आणला का गं मला खाऊ
कावळा बसला फांदीवर
पावसात मोडले त्याचे घर
बाळ म्हणालं ये माझ्या घरी
तुला देईल मी खीरपुरी
मनीबाई करी म्याऊ म्याऊ
उंदीर मामा तिचा आवडता खाऊ
बाळ म्हणे वाटीतलं दूध घे पिऊन
माझ्या वाट्याचं देशील का ठेवून?
रचना
© शिल्पा म वाघमारे
स शि बीड
7.12.2020
कोणत्याही टिप्पण्या नाहीत:
टिप्पणी पोस्ट करा