गुलाबी थंडी

गुलाबी थंडी

रजा शरदाने घेता
आला हेमंत शिशिर
चुणुकली गुलाबी ही
थंडी भरे शिरशिरं... १

लागे चाहूल थंडीची
शाल धुक्याची धवल
रवी बरसे अमृत
रुप सृष्टीचं सजलं... २

श्वास भिजू दे श्वासांत
देई साद गोठलेला
विरघळे जीव जीवा
मिठीमध्ये थिजलेला... ३

तुझा सहवास मज
वाटे प्रिया हवाहवा
देही झोंबता गारवा
चेतवतो रे वणवा... ४

तनु पुन्हा शहारली
मधू प्रीत जीवघेणी
सेज सजलेली ये ना
गाते मारवा यामिनी... ५


रचना
शिल्पा म.वाघमारे
स.शिि. जि प प्रा शाळा मालेगाव खुर्द

ता गेवराई जि बीड
दि १६.१२.२०१६