@पंढरीची वारी (बालकविता)

पंढरीची वारी (बालकविता)


पंढरीच्या राजा
पांडुरंगा विठ्ठला
मलाही यायचंय
देवा तुझ्या वारीला. . १

वारीला चालले
आजोबा नि आजी
मलाही बघायची रे
एकदा पंढरी तुझी. . .२

माऊलीच्या दिंडीसह
यंदा मला जायचंय
विटेवरचं सुंदर ध्यान
मलाही पहायचंय। . . .३

लहान आहेस तू असं
आई-बाबा म्हणतात
दरवेळी अशीच ती
कारणे देत असता. . .४

ज्ञाना-तुका आणि
भक्त पुंडलिकाचा
केलास उद्धार
तू तुझ्या भक्तांचा. . .५

या मोठ्यांना तुच आता
एकदा समजव रे
निरागस या जीवाची
पुरव ही आस रे. . . ६


         📝 *रचना* 📝
      *शिल्पा म.वाघमारे*
           *स.शि. बीड*