:आनंदघन
हृदयगाभारी पावित्र्याने
आत्मतेजास जागवावे
तुझ्यातल्या माणसाने
माणसासाठी प्राणवायू व्हावे ...१
आधार हो, धीर हो दुर्बलांचा
पाऊलखुणांनी सुवासिक व्हावे
श्वास हो मरणासन्नांचा असा
की तत्क्षणांचे संगीत व्हावे....२
घास होऊन मुखीचा कधी
क्षुधेलाही कधी लाजवावे
आशिषांच्या सुगंधात न्हाता
जगण्याला पंख फुटावे...३
माणसाने माणसासाठी सर्वदा
ज्योत समईची होऊन जळावे
विषय पतंग जाळीत जाता
सहजे तूफानांस पेलावे...४
देहभान हरपून अर्पावे मनही
निर्भेळ 'आनंदघन' व्हावे
निरागस निर्विकार 'मूळ' हे
'जडास' या जाणवून द्यावे... ५
भव तरताना निरपेक्ष भावे
दात्याचे तू 'हात घ्यावे'
श्वासांचे अविरत जाणे येणे
केवळ यांस का जगणे म्हणावे?.. ६
रचना
शिल्पा म वाघमारे
सहशिक्षिका बीड
दि ३१.०५.२०२१
:आनंदघन
हृदयगाभारी पावित्र्याने
आत्मतेजास जागवावे
तुझ्यातल्या माणसाने
माणसासाठी गीत व्हावे ...१
आधार हो, धीर हो दुर्बलांचा
पाऊलखुणांनी सुवासिक व्हावे
श्वास हो मरणासन्नांचा असा
की तत्क्षणांचे संगीत व्हावे....२
घास होऊन मुखीचा कधी
क्षुधेलाही कधी लाजवावे
आशिषांच्या सुगंधात न्हाता
जगण्याची रीत व्हावे...३
माणसाने माणसासाठी
ज्योत होऊन जळावे
विषय पतंग जाळीत सहजे
तूफानांस पेलित जावे..४
देहभान हरपून अर्पावे मनही
निर्भेळ 'आनंदघन' व्हावे
'जडास' जाणिव दे निर्विकारी
बाळाचे निरागस स्मित व्हावे... ५
. ५
भव तरताना निरपेक्ष भावे
दात्याचे तू 'हात घ्यावे'
श्वासांचे अविरत जाणे येणे
केवळ यांस का जगणे म्हणावे?.. ६
रचना
शिल्पा म वाघमारे
सहशिक्षिका बीड
दि ३१.०५.२०२१
कोणत्याही टिप्पण्या नाहीत:
टिप्पणी पोस्ट करा