बडबडगीत
शीर्षक : देखणे हात
दोन हात मला
दोन हात तुला
झटपट चला
लागा कामाला... १
दात घासू चकचक
नि आंघोळ खसाखसा
हात धुवून स्वच्छ
जेवायला बसा...२
दोन चार कामे
टाकूया उरकून
आईही कधीची
गेली असेल दमून...३
माझी सारी कामे
मीच आता करणार
मोठा झालो बघ आई
तुला त्रास नाही देणार... ४
बाई सांगत होत्या
माणूस फक्त घेतो
सांगा बरं देणाराला
आपण काय देतो?... ५
झाडे लावीन,जगवीन
स्वच्छ करीन परीसर
चिऊला दाणापाणी
ठेवीन मी छतावर... ६
आई म्हणते सुंदर कामं
करत रहावे खूप
देखणे होतील हात
खुलवा पुन्हा धरेचं रुप... ७
काव्यरचना
©शिल्पा म वाघमारे
स शि
जि प प्रा मराठी कन्या शाळा बार्शीटाकळी जि अकोला
दि. १९/०४/२०२१
कोणत्याही टिप्पण्या नाहीत:
टिप्पणी पोस्ट करा