ही सुहास्यखळी निर्मळ
सहसा आता दिसत नाही
खऱ्या आनंदाची चांदणी
गालावरती खुलत नाही... १
खोलपण हरवलं
खोटं खोटं झालं जन
ओलं शुष्काने गिळली
अहंभावाच्या मस्तीनं...२
काम मिळालं हातांना
दोघे राबतील नेटानं
घास भेटंल पोटाला
आज किती दिवसानं...३
आज पारावार नाही
सुख मायेना मनात
चिलीपिली हसतील
देव भेटे दगडांत... ४
हे जीणं जरी कष्टाचं
झोप देईल समाधानी
जग नासलं नासू दे
हेच सुख तया खाणी...५
✍🏻रचना
©शिल्पा म वाघमारे
सहशिक्षिका बीड
दि ३०.०३.२०२०
कोणत्याही टिप्पण्या नाहीत:
टिप्पणी पोस्ट करा